-
Nytt datakurs for eldre!
LHL Kvam, i samarbeid med Grannehjelpa, skipar til nytt datakurs for eldre. Har du lyst til å vera med, må du hugsa påmelding seinast innan 12. september. Me har avgrensa tal plassar, så her er det fyrstemann til mølla som gjeld!
Vil du vera med og påverka din eigen alderdom?
Eldrereforma "Leve hele livet" er regjeringa si hovudsatsing for at eldre kan meistra livet lenger, og ha ein trygg, aktiv og verdig alderdom. Kvam herad er i gang med å laga ein strategiplan for reforma, og ynskjer i det høvet ein brei medverknad i prosessen. Dette tyder at nettopp du kan vera med og påverka din eigen og andre sin alderdom.Under tematreff på internett torsdag 11. mars, fekk me besøk av Kvam herad som presenterte eldrereforma Leve hele livet. Folkehelsekoordinator Reidun Braut Kjosås og leiar for helse og omsorg, Åslaug Bøhn Botnen, fortalte om bakgrunnen for arbeidet, og korleis dei jobbar med reforma. Vidare, uttrykte dei eit ynskje om innspel til den vidare prosessen.
For å få samla inn tankar, idéar og meiningar frå så mange kvemmingar som mogleg, har dei laga ei open spørjeundersøking.
Følg lenkja under, og bli med og bestem korleis framtidas alderdom skal sjå ut.
For å få samla inn tankar, idéar og meiningar frå så mange kvemmingar som mogleg, har dei laga ei open spørjeundersøking.
Følg lenkja under, og bli med og bestem korleis framtidas alderdom skal sjå ut.
Spørjeundersøkinga er sjølvsagt heilt anonym, og du kan svara på så mange eller få spørsmål som du sjølv ynskjer.
Del på:
Flere nyheter
-
Turprogram for hausten 2024
Grannehjelpa sine turgrupper har ferdigstilt turprogramma sine for hausten 2024. Her er det mange spanande og kjekke turar som DU kan vera med på! Sjå nedanfor for kvar turgruppe sin fullstendige plan. Dersom du føretrekk å ha oversikta på papir, kan du koma innom Grannehjelpa og få ein kopi. God tur!
-
Bli ein Vennefamilie
Me søkjer etter fleire familiar - både store og små - som har lyst til å vera med i Vennefamilie-prosjektet vårt. Å vera Vennefamilie er sosialt, lærerikt, og veldig kjekt. Ikkje berre får de bli kjend med ein familie de kanskje ikkje kjenner så godt frå før, men de får også tilbod om å vera med på kjekke familieaktivitetar, og små utflukter. Les meir om prosjektet i plansjen under, og ta kontakt med Sarifa dersom de lurer på noko, eller ynskjer å melda dykk på.
-
Årsmelding for 2023
Lurer du på kva Grannehjelpa hadde føre seg i 2023? Då kan du lesa årsmeldinga vår!
-
Turgruppa Trakkatrimmen startar opp att!
Turgruppa Trakkatrimmen har hatt ein liten pause sidan nyttår, men er no klare for oppstart rett over påsken. Ikkje berre bugnar turprogrammet deira over med flotte turmål og -ruter, men me er også så heldige å få med oss ein ny turleiar! Me ynskjer Aud varmt velkomen i turleiarfellesskapet, og gledar oss til ein vår med mange gode turopplevingar.