-
Bli ein Vennefamilie
Me søkjer etter fleire familiar - både store og små - som har lyst til å vera med i Vennefamilie-prosjektet vårt. Å vera Vennefamilie er sosialt, lærerikt, og veldig kjekt. Ikkje berre får de bli kjend med ein familie de kanskje ikkje kjenner så godt frå før, men de får også tilbod om å vera med på kjekke familieaktivitetar, og små utflukter. Les meir om prosjektet i plansjen under, og ta kontakt med Sarifa dersom de lurer på noko, eller ynskjer å melda dykk på.
ReDesign startar opp att til hausten
Grunna korona fekk ikkje ReDesign starta opp att på Gamleskulen denne våren. Me satsar på at hausten vert betre, og at me får invitera til kreativ gjenbruk like etter sommarferien. Som før, vil ReDesign ta stad andre tysdag i månaden kl. 18 i Gamleskulen på Norheim.Kva er ReDesign?
ReDesign er ein handarbeidsverkstad der ein lagar noko nytt av noko gamalt. Har du, til dømes, ubrukte stoffrestar, klede som er for store eller små, tyg som ikkje lenger gjer nytta slik dei er, men som er for fine til å kastast? Ta det med på ReDesign! Der er det mange kreative og dyktige handarbeidsentusiastar som kan hjelpa deg med å sy om, reparera eller laga noko heilt flunkande nytt av det du allereie har! Gruppa har også eigne symaskiner på staden, så du slepp å sy for hand eller venta til du kjem heim att.
Kven høver ReDesign for?
ReDesign høver for alle som er interessert i handarbeid eller gjenbruk. Om ein er nybyrjar eller erfaren, kan ein finna prosjekt som er høvelege - og det er alltid lov å spørja om hjelp og gode råd. Ein kan koma hit fordi ein er nyfiken og har lyst til å læra, fordi ein vil vera kreativ saman med andre, eller fordi ein kan vera til hjelp og inspirasjon for andre. I gruppa er det, dessutan, folk i ulike aldersgrupper. Om du er usikker på om dette kan vera noko for deg, er du hjarteleg velkomen innom for å ta ein titt.
Kvar og kva tid tek ReDesign stad?
Som hovudregel, tek ReDesign stad kvar andre tysdag i månaden frå kl. 18 i Gamleskulen på Norheim (Nedre Norheim 2).
ReDesign er arrangert av Brita Træbakken. Arrangementet er heilt gratis å vera med på, og krev inga påmelding. Det er heller ingen møteplikt, så kom når det høver!
Til inspirasjon, nokre døme på kva som har blitt gjort på ReDesign tidlegare:
Eit gamalt broderi kan bli til eit stilig etui til nettbrettet
Eller, ei pute med retropreg
Ein kan også laga puter av gamle strikkerestar og ei kåpe
Sjefen sjølv, Brita Træbakken, med eit babyteppe laga av diverse stoffrestar
Ypparleg gåve til dei minste: stilige, mjuke og laga med kjærleik
Dersom du vil vita meir om ReDesign og sjå fleire bilete, kan du bli med i gruppa Gamleskulen ReDesign på Facebook: https://www.facebook.com/groups/225639267780578
Del på:
Flere nyheter
-
Årsmelding for 2023
Lurer du på kva Grannehjelpa hadde føre seg i 2023? Då kan du lesa årsmeldinga vår!
-
Turgruppa Trakkatrimmen startar opp att!
Turgruppa Trakkatrimmen har hatt ein liten pause sidan nyttår, men er no klare for oppstart rett over påsken. Ikkje berre bugnar turprogrammet deira over med flotte turmål og -ruter, men me er også så heldige å få med oss ein ny turleiar! Me ynskjer Aud varmt velkomen i turleiarfellesskapet, og gledar oss til ein vår med mange gode turopplevingar.
-
Vårprogram for turgruppene Fotalaget og Karatrakk
Turgruppa Trakkatrimmen tek pause fram til 2. april. Vårprogramma til turgruppene Fotalaget og Karatrakk er ferdigstilte, og kan sjåast i sin heilskap nedanfor.
-
Vil de bli ein vennefamilie? Bli med på Familiedagen!
Prosjektet Vennefamilie er snart i gang. Barnefamiliar som ynskjer seg ein vennefamilie er velkomne til Familiedagen på Hardanger Fartøyvernsenter 21. januar. Her får de bli kjend med andre familiar, gjera morosame aktivitetar, og løysa oppgåver saman.