-
Nytt datakurs for eldre!
LHL Kvam, i samarbeid med Grannehjelpa, skipar til nytt datakurs for eldre. Har du lyst til å vera med, må du hugsa påmelding seinast innan 12. september. Me har avgrensa tal plassar, så her er det fyrstemann til mølla som gjeld!
Brenn du for frivilligheit og lokalsamfunn? Grannehjelpa søkjer ny dagleg leiar
Er du oppteken av frivillig arbeid og likar å jobbe med menneske? Vår daglege leiar gjennom 10 år sluttar, og vi søker etter ny dagleg leiar i fortrinnsvis 100% stilling. Søknadsfrist 1. mai.Stiftinga Grannehjelpa er frivilligsentralen i Kvam og ein del av nettverket med 460 frivilligsentralar i Noreg. Frivilligsentralen skal vera eit kraftsenter, kontaktpunkt og møteplass for menneske, frivillige lag og det offentlege, open for alle som har lyst til å vera med. Viktige område for Grannehjelpa er integrering og inkludering, aktivitet på eldreinstitusjon og møteplassar. Sentralen har 1,55 stilling, har heile kommunen som arbeidsfelt og samarbeider både med offentlege og frivillige aktørar. Dagleg leiar har ei nøkkelrolle i organisasjonen og rapporterer til styret. Vår daglege leiar gjennom 10 år sluttar, og vi søker etter ny dagleg leiar i fortrinnsvis 100% stilling.
Dagleg leiar har ansvar for dagleg drift, administrasjon og økonomi som inneber:
- Rekruttering, organisering og oppfølging av frivillige, som er den viktigaste ressursen til sentralen.
- Marknadsføring og informasjonsarbeid ; drift av heimeside og sosiale media
- Koordinering av aktivitet og arrangement
- Prosjektutvikling og gjennomføring av prosjekt.
- Drift og vidareutvikling av sentralens mange tilbod og aktivitetar.
- Dagleg leiar er sekretær for styret og rapporterer til styret.
Vi søkjer etter deg som
- Er strukturert, sjølvstendig og med god gjennomføringsevne
- Er synleg, har gode kommunikasjonsevner og inspirerer til samarbeid
- Er kreativ, ide- og initiativrik, løysingsorientert
- ·Liker å jobbe med menneske
- Kan like å ha mange ballar i lufta samtidig
- Er fortruleg med å bruke dataverktøy
- Har relevant utdanning og erfaring, gjerne frå frivillig arbeid
- Førarkort klasse B
Vi tilbyr ein spanande jobb med varierte og utfordrande oppgåver. Kurs og kunnskapsutvikling. Løn etter avtale. Tilsetjing snarast. Spørsmål kan rettast til dagleg leiar Sidsel Haugen 901 22 688, eller styreleiar Kari Mostad 916 24 056. Søknad med CV vert sendt til Grannehjelpa på e-post: post@grannehjelpa.no, eller Grannehjelpa, Sandvenvegen 1B, 5600 Norheimsund, innan 1.mai.
Del på:
Flere nyheter
-
Turprogram for hausten 2024
Grannehjelpa sine turgrupper har ferdigstilt turprogramma sine for hausten 2024. Her er det mange spanande og kjekke turar som DU kan vera med på! Sjå nedanfor for kvar turgruppe sin fullstendige plan. Dersom du føretrekk å ha oversikta på papir, kan du koma innom Grannehjelpa og få ein kopi. God tur!
-
Bli ein Vennefamilie
Me søkjer etter fleire familiar - både store og små - som har lyst til å vera med i Vennefamilie-prosjektet vårt. Å vera Vennefamilie er sosialt, lærerikt, og veldig kjekt. Ikkje berre får de bli kjend med ein familie de kanskje ikkje kjenner så godt frå før, men de får også tilbod om å vera med på kjekke familieaktivitetar, og små utflukter. Les meir om prosjektet i plansjen under, og ta kontakt med Sarifa dersom de lurer på noko, eller ynskjer å melda dykk på.
-
Årsmelding for 2023
Lurer du på kva Grannehjelpa hadde føre seg i 2023? Då kan du lesa årsmeldinga vår!
-
Turgruppa Trakkatrimmen startar opp att!
Turgruppa Trakkatrimmen har hatt ein liten pause sidan nyttår, men er no klare for oppstart rett over påsken. Ikkje berre bugnar turprogrammet deira over med flotte turmål og -ruter, men me er også så heldige å få med oss ein ny turleiar! Me ynskjer Aud varmt velkomen i turleiarfellesskapet, og gledar oss til ein vår med mange gode turopplevingar.