-
Her kan du lesa årsmeldinga for 2024!
2024 var eit spanande år for Grannehjelpa - og no kan du endeleg få lesa om heile sulamitten i årsmeldinga vår!
Ledig stilling: vikar i Grannehjelpa
Vil du vera med å skapa møte mellom menneske? Med atterhald av finansiering lyser Grannehjelpa, frivilligsentralen i Kvam, ut inntil 1.års vikariat/prosjektleiar, stillingsstorleik opp mot 100%. Våre kjerneoppgåver er å legga til rette for og å utvikla frivilligheit, skapa møteplassar og vera kontaktledd mellom frivilligheita og det offentlege.
Me treng vikar for frivilligkoordinator og prosjektleiar til prosjektet "aktivitetsmøteplassen" og evt. til andre leiar- og driftsoppgåver.
Viktige oppgåver
Rekruttering og tilrettelegging for frivillige.
Organisering og koordinering av aktivitetar og arrangement.
Prosjektutvikling, gjennomføring og rapportering av prosjekt.
Diverse driftsoppgåver kjem gjerne i tillegg.
Vi søkjer etter deg som
Har gode samarbeidsevner men også god evne til å jobba sjølvstendig
Liker å vera synleg, har gode kommunikasjonsevner, liker å få folk med deg.
Strukturert samtidig som du har mange ballar i lufta.
Me tilbyr inntil eit års vikariat som kan bli forlenga. Spennande og varierte utfordringar. Løn etter avtale. Tilsetjing snarast eller frå nyttår. Spørsmål kan rettast til styreleiar Kari Mostad (916 24 056) eller vikar Grethe Galtung Johannessen (941 91 384). Søknad med CV og attestar vert sendt til Grannehjelpa på e-post: post@grannehjelpa.no eller pr. post til Grannehjelpa, Sandvenvegen 1, 5600 Norheimsund.
Søknadsfrist 24. november 2022.
Del på:
Flere nyheter
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Høyrselhjelpa sine kontortider våren 2025!
Kvam Høyrsellag sine likepersonar held fram med tilbodet sitt om Høyrselhjelp også i 2025. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Turprogram for våren 2025!
2025 er godt i gang, og Grannehjelpa sine turgrupper traskar vidare! Turleiarane i Fotalaget, Trakkatrimmen, og Karatrakk har hatt planleggingsmøte denne veka, og sett opp turprogram med mange spanande turmål! Sjå fullstendig oversikt nedanfor. Merk at Trakkatrimmen fyrst startar opp att den 4. mars!
-
Kven synest du fortener Eldsjelprisen 2024?
Me nærmar oss slutten av året, og det er tid for å nominera sin kandidat til årets Eldsjelpris! Skriv ei kort grunngjeving og send inn til styret i Grannehjelpa (sjå kontaktinformasjon nedanfor). Fristen for innsending er 1. desember.