-
Turprogram for våren 2026!
Turgruppene Fotalaget og Karatrakk har ferdigstilt turprogramma sine for våren 2026 - og her er det mange spanande og kjekke turmål i vente! Både Fotalaget og Karatrakk har plass til fleire turvener, så om du har tid og lyst, er det berre til å slengja seg med. Berre møt opp ved Spar i Norheimsund kl. 11 på tysdagar (for Fotalaget) eller onsdagar (for Karatrakk). Tilbodet er gratis, og ope for alle! (Det einaste ein betalar for, er køyrepengar dei gongane ein lyt nytta bil til startpunktet for turen - maks 50 kr,-.)
Brenn du for frivilligheit og lokalsamfunn? Grannehjelpa søkjer ny dagleg leiar
Er du oppteken av frivillig arbeid og likar å jobbe med menneske? Vår daglege leiar gjennom 10 år sluttar, og vi søker etter ny dagleg leiar i fortrinnsvis 100% stilling. Søknadsfrist 1. mai.Stiftinga Grannehjelpa er frivilligsentralen i Kvam og ein del av nettverket med 460 frivilligsentralar i Noreg. Frivilligsentralen skal vera eit kraftsenter, kontaktpunkt og møteplass for menneske, frivillige lag og det offentlege, open for alle som har lyst til å vera med. Viktige område for Grannehjelpa er integrering og inkludering, aktivitet på eldreinstitusjon og møteplassar. Sentralen har 1,55 stilling, har heile kommunen som arbeidsfelt og samarbeider både med offentlege og frivillige aktørar. Dagleg leiar har ei nøkkelrolle i organisasjonen og rapporterer til styret. Vår daglege leiar gjennom 10 år sluttar, og vi søker etter ny dagleg leiar i fortrinnsvis 100% stilling.
Dagleg leiar har ansvar for dagleg drift, administrasjon og økonomi som inneber:
- Rekruttering, organisering og oppfølging av frivillige, som er den viktigaste ressursen til sentralen.
- Marknadsføring og informasjonsarbeid ; drift av heimeside og sosiale media
- Koordinering av aktivitet og arrangement
- Prosjektutvikling og gjennomføring av prosjekt.
- Drift og vidareutvikling av sentralens mange tilbod og aktivitetar.
- Dagleg leiar er sekretær for styret og rapporterer til styret.
Vi søkjer etter deg som
- Er strukturert, sjølvstendig og med god gjennomføringsevne
- Er synleg, har gode kommunikasjonsevner og inspirerer til samarbeid
- Er kreativ, ide- og initiativrik, løysingsorientert
- ·Liker å jobbe med menneske
- Kan like å ha mange ballar i lufta samtidig
- Er fortruleg med å bruke dataverktøy
- Har relevant utdanning og erfaring, gjerne frå frivillig arbeid
- Førarkort klasse B
Vi tilbyr ein spanande jobb med varierte og utfordrande oppgåver. Kurs og kunnskapsutvikling. Løn etter avtale. Tilsetjing snarast. Spørsmål kan rettast til dagleg leiar Sidsel Haugen 901 22 688, eller styreleiar Kari Mostad 916 24 056. Søknad med CV vert sendt til Grannehjelpa på e-post: post@grannehjelpa.no, eller Grannehjelpa, Sandvenvegen 1B, 5600 Norheimsund, innan 1.mai.
Del på:
Flere nyheter
-
Høyrselhjelpa sine kontortider våren 2026!
Kvam Høyrsellag sine likepersonar held fram med tilbodet sitt om Høyrselhjelp også i 2026. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Ny lagsportal: "Kva skjer i Kvam?"
Endeleg kjem det ein ny lagsportal i Kvam på www.skjerikvam.no. Tysdag 21. oktober inviterer Grannehjelpa og Kvam herad alle lag og organisasjonar til eit ope møte om løysinga.
-
Turgruppene sine turprogram for hausten 2025
Turgruppene våre er i full vigør etter sommarferien - og no er også turprogramma deira ferdigstilt. Fotalaget og Karatrakk held fram i same leia som før, medan Trakkatrimmen held fram med å gå på tur kvar tysdag kl. 11.30, men no utan førehandsbestemte turmål og turleiar. Sjå full oversikt over turprogramma, samt endringane innad i Trakkatrimmen, i artikkelen under.