-
Turprogram for våren 2026!
Turgruppene Fotalaget og Karatrakk har ferdigstilt turprogramma sine for våren 2026 - og her er det mange spanande og kjekke turmål i vente! Både Fotalaget og Karatrakk har plass til fleire turvener, så om du har tid og lyst, er det berre til å slengja seg med. Berre møt opp ved Spar i Norheimsund kl. 11 på tysdagar (for Fotalaget) eller onsdagar (for Karatrakk). Tilbodet er gratis, og ope for alle! (Det einaste ein betalar for, er køyrepengar dei gongane ein lyt nytta bil til startpunktet for turen - maks 50 kr,-.)
VARME FØTER i kvam
Har du tid, lyst og restegarn på lur til å laga småplagg som labbar, panneband, eller kanskje vottar og huer? Grannehjelpa og Biblioteket inviterer til aksjon VARME FØTER i Kvam.Etter inspirasjon frå Frivilligsentralane i Ullensvang inviterer me deg som likar å strikke, gimpe eller hakke til å bli med på aksjonen. På denne måten kan du vera med å varma små og større føter, hender, hovud og hjarter i heile Kvam. Grannehjelpa ser til det du har laga går til nokon som treng det.
Me har opprette ei gruppe på Facebook som alle som vil kan vera medlem av. Del gjerne: https://www.facebook.com/groups/1330209134006404
Praktisk informasjon
Legg det du har laga i brødposar e.l. og merk gjerne med størrelse. Me jobbar med å få til fleire leveringsstader i Kvam, og kjem med oppdatert informasjon etter kvart.
Førebels kan du levera hos
Grannehjelpa og
Biblioteket i Norheimsund,
Biblioteket i Strandebarm og
Biblioteket i Ålvik
Ein kan og sende det pr post til
Grannehjelpa, Sandvenvegen 1B, 5600 Norheimsund
Del på:
Flere nyheter
-
Høyrselhjelpa sine kontortider våren 2026!
Kvam Høyrsellag sine likepersonar held fram med tilbodet sitt om Høyrselhjelp også i 2026. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Ny lagsportal: "Kva skjer i Kvam?"
Endeleg kjem det ein ny lagsportal i Kvam på www.skjerikvam.no. Tysdag 21. oktober inviterer Grannehjelpa og Kvam herad alle lag og organisasjonar til eit ope møte om løysinga.
-
Turgruppene sine turprogram for hausten 2025
Turgruppene våre er i full vigør etter sommarferien - og no er også turprogramma deira ferdigstilt. Fotalaget og Karatrakk held fram i same leia som før, medan Trakkatrimmen held fram med å gå på tur kvar tysdag kl. 11.30, men no utan førehandsbestemte turmål og turleiar. Sjå full oversikt over turprogramma, samt endringane innad i Trakkatrimmen, i artikkelen under.