-
Turprogram for våren 2026!
Turgruppene Fotalaget og Karatrakk har ferdigstilt turprogramma sine for våren 2026 - og her er det mange spanande og kjekke turmål i vente! Både Fotalaget og Karatrakk har plass til fleire turvener, så om du har tid og lyst, er det berre til å slengja seg med. Berre møt opp ved Spar i Norheimsund kl. 11 på tysdagar (for Fotalaget) eller onsdagar (for Karatrakk). Tilbodet er gratis, og ope for alle! (Det einaste ein betalar for, er køyrepengar dei gongane ein lyt nytta bil til startpunktet for turen - maks 50 kr,-.)
Bli med på Grannehjelpa sin adventskalender!
Bli med på Grannehjelpa sin adventskalender, og ver med i trekninga av gåvekort!Tradisjonen tru, har Grannehjelpa også i år ein eigen adventskalender. Denne gongen i form av ein quiz. Quizen består av 24 spørsmål - eitt spørsmål per dag fram til julaftan. Ved å ta vare på éin bokstav i svaret kvar dag, vil du til slutt sitja att med ein setning. Denne er løysinga på heile quizen, og kan sendast inn til oss, dersom du vil vera med i trekninga av eitt av fire gåvekort. Gåvekorta du kan vinna er frå Felleskjøpet og Huus Bok og Papir i Øystese, og Nille og Lokalen i Norheimsund.
Slik kan du vera med:
Dersom du er på Facebook, kan du bli medlem av gruppa "Møteplassen Grannehjelpa". Der vert det lagt ut éi luke kvar dag. Finn svaret på spørsmålet, og ta vare på den bokstaven som oppgåva seier. Den 24. desember vil du ha låst opp alle bokstavane, og funne setninga.
Dersom du ikkje har Facebook, vil alle spørsmåla bli lagt ut på denne nettsida (www.grannehjelpa.no) den 24. desember.
Når du har funne løysingssetninga, kan du senda denne inn til oss, saman med namn, innan 29. desember kl. 23.59. Svaret kan sendast på e-post til helena@grannehjelpa.no eller på SMS til 480 72 456. Trekninga tek stad den 30. desember.
Lukke til!
Del på:
Flere nyheter
-
Høyrselhjelpa sine kontortider våren 2026!
Kvam Høyrsellag sine likepersonar held fram med tilbodet sitt om Høyrselhjelp også i 2026. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Ny lagsportal: "Kva skjer i Kvam?"
Endeleg kjem det ein ny lagsportal i Kvam på www.skjerikvam.no. Tysdag 21. oktober inviterer Grannehjelpa og Kvam herad alle lag og organisasjonar til eit ope møte om løysinga.
-
Turgruppene sine turprogram for hausten 2025
Turgruppene våre er i full vigør etter sommarferien - og no er også turprogramma deira ferdigstilt. Fotalaget og Karatrakk held fram i same leia som før, medan Trakkatrimmen held fram med å gå på tur kvar tysdag kl. 11.30, men no utan førehandsbestemte turmål og turleiar. Sjå full oversikt over turprogramma, samt endringane innad i Trakkatrimmen, i artikkelen under.