-
Turprogram for våren 2026!
Turgruppene Fotalaget og Karatrakk har ferdigstilt turprogramma sine for våren 2026 - og her er det mange spanande og kjekke turmål i vente! Både Fotalaget og Karatrakk har plass til fleire turvener, så om du har tid og lyst, er det berre til å slengja seg med. Berre møt opp ved Spar i Norheimsund kl. 11 på tysdagar (for Fotalaget) eller onsdagar (for Karatrakk). Tilbodet er gratis, og ope for alle! (Det einaste ein betalar for, er køyrepengar dei gongane ein lyt nytta bil til startpunktet for turen - maks 50 kr,-.)
Julegåvetips: gje eit gåvekort med gode stunder!
Dei beste julegåvene treng ikkje kosta mykje pengar. Faktisk, treng dei ikkje å kosta pengar i det heile. Det finaste ein kan gje eit anna menneske er nemleg ikkje ting eller krims krams, men littegrann av seg sjølv og si eiga tid.Med denne tanken som utgangspunkt, har Grannehjelpa eit ynskje om at julegåvene i år ikkje treng å ha ein høg pengeverdi, men heller ein høg mellommenneskeleg verdi. Difor har me i år fått utforma gåvekort med valutaen møte mellom menneske.
Kva med å gje ein annan ein lovnad om ein kopp kaffi? Ein spasertur i lag? Opplæring i Whereby?
Kanskje har du eigne kreative tankar eller idéar om kva du kan gje bort av tid og eigne ressursar? Kurs i å laga mjølkekaker til barnebarnet? Hagearbeid for besten og besto? Heimelaga middag til ein god ven? Berre fantasien set grenser.
Me har ferdig utfylte gåvekort for kaffistund, spasertur og opplæring i Whereby, samt kort som du sjølv kan fylla ut. Kom innom og hent eit eller fleire gratis gåvekort hos Grannehjelpa i Sandvenvegen 1B. eller last ned på eigen PC. Du finn alle gåvekorta her:
Gåvekort Kaffeinvitasjon
Gåvekort Spasertur
Gåverkort opplæring i Whereby
Gåvekort valfri gåve
Alle gåvekorta er sjølvsagt heilt gratis.
Korta er utforma av Bukken AS
Del på:
Flere nyheter
-
Høyrselhjelpa sine kontortider våren 2026!
Kvam Høyrsellag sine likepersonar held fram med tilbodet sitt om Høyrselhjelp også i 2026. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Ny lagsportal: "Kva skjer i Kvam?"
Endeleg kjem det ein ny lagsportal i Kvam på www.skjerikvam.no. Tysdag 21. oktober inviterer Grannehjelpa og Kvam herad alle lag og organisasjonar til eit ope møte om løysinga.
-
Turgruppene sine turprogram for hausten 2025
Turgruppene våre er i full vigør etter sommarferien - og no er også turprogramma deira ferdigstilt. Fotalaget og Karatrakk held fram i same leia som før, medan Trakkatrimmen held fram med å gå på tur kvar tysdag kl. 11.30, men no utan førehandsbestemte turmål og turleiar. Sjå full oversikt over turprogramma, samt endringane innad i Trakkatrimmen, i artikkelen under.