-
Turprogram for våren 2026!
Turgruppene Fotalaget og Karatrakk har ferdigstilt turprogramma sine for våren 2026 - og her er det mange spanande og kjekke turmål i vente! Både Fotalaget og Karatrakk har plass til fleire turvener, så om du har tid og lyst, er det berre til å slengja seg med. Berre møt opp ved Spar i Norheimsund kl. 11 på tysdagar (for Fotalaget) eller onsdagar (for Karatrakk). Tilbodet er gratis, og ope for alle! (Det einaste ein betalar for, er køyrepengar dei gongane ein lyt nytta bil til startpunktet for turen - maks 50 kr,-.)
Me fullfører KvammaVEKO i november!
Grunna dei nye oppmodingane til smitteverntiltak, har arbeidsgruppa bak KvammaVEKO kome fram til at det ikkje er forsvarleg å gjennomføra programmet som planlagt neste veke. Me kjem difor tilbake med KvammaVEKO fyrst i 2021.SUNDAG 8. NOVEMBER KL. 11-14 | ØYSTESE SENTRUM
AKTIVITETSDAG
Som planlagt, vil aktivitetsdagen ta stad i Øystese sentrum med varierte og morosame aktivitetar fordelt utover ulike stadar i bygda. Postane inkluderer, med anna, hinderløype, frisbeegolf og utandørskafé. Du får dessutan møta Pia Ve Dahlen, kjend som Noregs kulaste marinbiolog, som vil visa deg livet i sjøen! Møt opp ved Hardangerbadet for registrering og utdeling av kart. Alle aktivitetar er opne frå kl. 11 til 14, så kom når det passar.
MÅNDAG 9. NOVEMBER KL. 11-13 | GAMLESKULEN PÅ NORHEIM
KAFÉ NORHEIM
Kafé-tilbod i Gamleskulen på Norheim. Her får ein kjøpt vaflar, kaffi og te til ein rimeleg penge, og møta både kjende og ukjende i ei varm og imøtekomande atmosfære. Kafé Norheim er non-profitt, har frivillig vertskap, og tek stad to måndagar i månaden.
MÅNDAG 9. NOVEMBER KL. 18.30 | KUNSTHUSET KABUSO
FØREDRAG MED PIA VE DAHLEN
Pia Ve Dahlen er for mange kjend som Noregs kulaste marinbiolog. Lidenskapen for havet har blant anna ført ho til TV-program som Lindmo og årets TV-aksjon Eit hav av moglegheiter. Men sjølv om Pia elskar å sprella rundt i havet, var det også nettopp her, i sjøen i Træna, at ho fekk sitt fyrste angstanfall. I dette føredraget får du høyra heile historia, der ho fortel ekte og ærleg om varsellampar, vegen attende og kvifor det er så viktig å vera open.
SAMTALE KRING EIT STOVEBORD
Etter føredraget vert det sofapanel med Pia Ve Dahlen og eit knippe lokale personar, som vil prata om utfordringane livet gjev oss, og korleis me best kan møta dei.
Dette arrangementet vil også bli sendt på internett. Følg med på Facebook for meir informasjon.
TYSDAG 10. NOVEMBER KL. 17.30 | OPPMØTE: HOLMSUND
TRAKK OG SNAKK MED ORDFØRAR OG RÅDMANN
Bli med ordføraren og rådmannen på kveldstur! Me startar i Holmsund med ei kort orientering om rehabiliteringsprosjektet der. Deretter, går me frå Holmsund til Børvenes og tilbake. Dette er ei rute som er passe lang, og lett å gå. Her er ikkje målet å nå fram fyrst, men å halda beina og praten i gang.
Turleiar: Torgeir Magnar Børve.
Når det gjeld arrangement med Tore Renberg, er dette førebels utsett på ubestemt tid.
Del på:
Flere nyheter
-
Høyrselhjelpa sine kontortider våren 2026!
Kvam Høyrsellag sine likepersonar held fram med tilbodet sitt om Høyrselhjelp også i 2026. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Ny lagsportal: "Kva skjer i Kvam?"
Endeleg kjem det ein ny lagsportal i Kvam på www.skjerikvam.no. Tysdag 21. oktober inviterer Grannehjelpa og Kvam herad alle lag og organisasjonar til eit ope møte om løysinga.
-
Turgruppene sine turprogram for hausten 2025
Turgruppene våre er i full vigør etter sommarferien - og no er også turprogramma deira ferdigstilt. Fotalaget og Karatrakk held fram i same leia som før, medan Trakkatrimmen held fram med å gå på tur kvar tysdag kl. 11.30, men no utan førehandsbestemte turmål og turleiar. Sjå full oversikt over turprogramma, samt endringane innad i Trakkatrimmen, i artikkelen under.