-
Turprogram for våren 2026!
Turgruppene Fotalaget og Karatrakk har ferdigstilt turprogramma sine for våren 2026 - og her er det mange spanande og kjekke turmål i vente! Både Fotalaget og Karatrakk har plass til fleire turvener, så om du har tid og lyst, er det berre til å slengja seg med. Berre møt opp ved Spar i Norheimsund kl. 11 på tysdagar (for Fotalaget) eller onsdagar (for Karatrakk). Tilbodet er gratis, og ope for alle! (Det einaste ein betalar for, er køyrepengar dei gongane ein lyt nytta bil til startpunktet for turen - maks 50 kr,-.)
Kvifor vera frivillig i Grannehjelpa?
Hausten 2019 tok Gro Liland kontakt med Grannehjelpa, og melde seg til frivillig teneste. Kvifor gjorde ho da? Me har spurt Gro om dette, og her kan du lese kva motivasjonen var og kvifor ho synes frivillig arbeid er viktig og meingsfullt.Ein refleksjon
Det var mange som spurde meg om kva eg skulle gjere på når eg vart pensjonist. Eg har vel eigentleg førebudd meg frå eg var 65 på livet etter jobb, og eg hadde mange planar. Eg ville sy meir, trene på føremiddagane og hjelpe innvandrarar med lekser og til å snakke godt norsk, for av erfaring visste eg at det var som regel språket som hindra dei i å få gode karakterar på skulen. Dessutan var eg nysgjerrig på «Internasjonal kvinnegruppe» som eg hadde lese om i Hordaland Folkeblad. Det høyrdest så spennande ut å møte kvinner frå mange forskjellige nasjonar og lære om kulturen deirans. Informasjonsteknologi (IT) og all slags tekniske «duppedittar» har alltid interessert meg, og eg hadde lyst til å jobbe meir med dette og.
Etter ferien sjekka eg Grannehjelpa på nettet, og fann ut at eg måtte innom dei og forhøyre meg litt meir. Der vart eg teken imot på ein veldig positiv måte, og etter kvart vart det både «Internasjonal kvinnegruppe», «Språkkafé» og leksehjelp på meg. Ei stund seinare vart eg spurd om å hjelpe litt til med å få den nye heimesida til Grannehjelpa opp og gå, og det høyrdest veldig spennande ut, så eg takka ja.
No er det snart sommar att, og når folk spør meg om eg har det bra som pensjonist, og om kva eg får tida til å gå med, så svarar eg at eg har det som plommen i egget. Eg får jo min faste pensjon (løn) kvar månad, og då er det fint å få gje litt tilbake til samfunnet samtidig som eg sjølv får masse menneskeleg påfyll. Så, visst du lurer på kva du skal gjere når du blir pensjonist, så sjekk aktivitetane til Grannehjelpa! Her er det all slags ting du kan vera med på enten som hjelpar eller brukar.
Gro Liland
Del på:
Flere nyheter
-
Høyrselhjelpa sine kontortider våren 2026!
Kvam Høyrsellag sine likepersonar held fram med tilbodet sitt om Høyrselhjelp også i 2026. Høyrselhjelparane kan, til dømes, hjelpa med enkelt vedlikehald av høyreapparat, og låna ut samtaleforsterkarar. I tillegg, sel dei batteri, filter, og anna naudsynt utstyr. Dei har kontortid i Grannehjelpa sine lokal den fyrste og tredje torsdagen i månaden frå kl. 10 til 12. Sjå fullstendig datooversikt nedanfor. Velkomen innom!
-
Bli med på Tematreff!
Tematreff i Torefjell er eit tilbod sosiale og interaktive aktivitetar som tek stad på den digitale møteplattformen Whereby. Tematreffa kan omfatta kulturarrangement, føredrag og kurs, eller matlaging, trening og sosialt samkome. Aktivitet og tema varierer frå gong til gong, så her skal det vera noko for ein kvar smak!
-
Ny lagsportal: "Kva skjer i Kvam?"
Endeleg kjem det ein ny lagsportal i Kvam på www.skjerikvam.no. Tysdag 21. oktober inviterer Grannehjelpa og Kvam herad alle lag og organisasjonar til eit ope møte om løysinga.
-
Turgruppene sine turprogram for hausten 2025
Turgruppene våre er i full vigør etter sommarferien - og no er også turprogramma deira ferdigstilt. Fotalaget og Karatrakk held fram i same leia som før, medan Trakkatrimmen held fram med å gå på tur kvar tysdag kl. 11.30, men no utan førehandsbestemte turmål og turleiar. Sjå full oversikt over turprogramma, samt endringane innad i Trakkatrimmen, i artikkelen under.